समायोजन खबर खोटाङ, खोटाङमा ट्याक्टर दुर्घट्नामा परी घाईते भएकालाई थप उपचारमा काठमाण्डौ पठाइएको छ । मंगलबार दिक्तेल रुपाकोट मझुवागढी नगरपालिका–१३ नुनथला–कुभिण्डे सडकमा भएको ट्याक्टर दुर्घट्नाका घाईते दुई जनालाई काठमाण्डौ पठाइएको हो ।
दिक्तेलबाट सिमेन्ट लिएर रावाबेंशी गाउँपालिकाको कुभिण्डे जानेक्रममा मंगलबार अपरान्ह साढे तीनबजे ना ४ त ९१६९ नम्बरको ट्याक्टर नुनथला–कुभिण्डे सडकमा दुर्घट्ना भएको जिल्ला प्रहरी कार्यालय खोटाङका प्रहरी निरिक्षक तथा प्रवक्ता गोबिन्द प्रसाद साहले जानकारी दिए । घाइते हुनेमा रावाबेंशी गाउँपालिका–१ कभिण्डेका १६ वर्षीय प्रकाश सार्की र सोही स्थानका १८ वर्षीय सुवास सार्की रहेका छन् ।

दुर्घट्नालगत्तै घाईतेलाई जिल्ला अस्पताल दिक्तेलमा उपचारमा ल्याइए पनि यहाँ उपचार संम्भव नहुने भन्दै अस्पताले काठमाण्डौ रेफर गरेको हो । ट्याक्टरको पछाडीको भाग टेलर मात्रै पल्टिएकाले उनीहरु घाईते भएका हुन् । सार्की दुईजना लोडअनलोडको काम गर्ने ब्यक्तिहरु रहेको प्रहरीले जनाएको छ । ट्याक्टरका चालक, सहचालक सकुशल रहेका छन् ।२०७७ असार १० गते बिहान ११ : ४२ मा प्रकाशित