समायोजन खबर खोटाङ, खोटाङमा ३ सय ३१ जनाको पिसिआर परिक्षण गरिएको छ । दुई नगरपालिका र आठ गाउँपालिकागरी आईतबारसम्म ३३१ जनाको पिसिआर परिक्षण गरिएको जिल्ला प्रशासन कार्यालय खोटाङले जनाएको छ । १ हजार ४७३ जनाको आरडिटि परिक्षण गरिएको छ ।
जिल्लाको खोटेहाङ गाउँपालिकामा ५, दिक्तेल रुपाकोट मझुवागढी नगरपालिकामा १०२, रावाबेंशी गाउँपालिकामा ५, साकेला गाउँपालिकामा ६, ऐंसेलुखर्क गाउँपालिकामा २८, जन्तेढुंगा गाउँपालिकामा २२ जनाको पिसिआर परिक्षण गरिएको हो । उनीहरु सबैको रिपोर्ट नेगेटिभ आएको थियो । हलेसी तुवाचुङ नगरपालिकामा भने १६३ जनाको पिसिआर परिक्षण गर्दा ४ जनामा कोरोना भाइरस (कोभिड–१९) संक्रमण पुष्टि भएको थियो । उनीहरु सबैजना कोरोना जितेर घर फर्किसकेका छन् । योसँगै खोटाङ कोरोनामुक्त जिल्ला भएको छ ।
प्रशासन कार्यालयका अनुसार दिप्रुङ चुईचुम्मा गाउँपालिका, केपिलासगढी गाउँपालिका र बराहपोखरी गाउँपालिकामा पिसिआर परिक्षण गरिएको छैन । यस्तै, दिप्रुङ चुईचुम्मा गाउँपालिकामा १८१, खोटेहाङ गाउँपालिकामा २१३, हलेसी तुवाचुङ नगरपालिकामा ९३, दिक्तेल रुपाकोट मझुवागढी नगरपालिकामा २९८, रावाबेंशी गाउँपालिकामा ३३, साकेला गाउँपालिकामा १३५, केपिलासगढी गाउँपालिकामा १४५, ऐंसेलुखर्क गाउँपालिकामा ११६, जन्तेढुंगा गाउँपालिकामा २३३ र बराहपोखरी गाउँपालिकामा २६ जनाको आरडिटि परिक्षण गरिएको थियो । ।
१ हजार ४७३ जनाको आरडिटि परिक्षण गर्दा हलेसी तुवाचुङ नगरपालिकामा २, दिक्तेल रुपाकोट मझुवागढी नगरपालिकामा ६, साकेला गाउँपालिकामा २, ऐंसेलुखर्क गाउँपालिकामा ८ र जन्तेढुंगा गाउँपालिकामा ६ गरी जम्म २४ जनाको आरडिटि रिपोर्ट ‘पोजेटिभ’ आएको थियो । पिसिआर परिक्षण गर्दा २४ जनाकै रिपोर्ट ‘नेगेटिभ’ आएको थियो ।२०७७ असार ८ गते अपरान्ह ३ :४८ मा प्रकाशित