समायोजन खबर खोटाङ । खोटाङको हलेसी तुवाचुङ नगरपालिकाका ३९ जना सहित ४८ जनाको स्वाव पिसिआर परीक्षणका लागि पठाइएको छ ।उनीहरु भारतबाट आएका हुन् ।

रोजगारकाक्रममा भारतका विभिन्न स्थानमा पुगेको अवस्थामा लकडाउनका बेला गाउँ आएर क्वारेन्टाइनमा बसिरहेका ३९ जना स्थानीय, कोरोना संक्रमणको रोकथामकाक्रममा खटिएका स्वास्थ्यकर्मी र सुरक्षाकर्मीको स्वाव संकलन गरेर पिसिआर परीक्षणमा पठाइएको हो ।

संकलन गरिएको स्वाव सोमबार बिराटनगर पठाइएको नगरपालिकाका स्वास्थ्य शाखाका सह–संयोजक प्रकाश घिमिरेले बताए । नगरपालिकाबाट पिसिआर परीक्षणका लागि स्वाव पठाएको यो तेश्रो पल्ट हो । नगरपालिकामा हालसम्म ११४ जनाको पिसिआर परीक्षण भइसकेको छ ।२०७७ असार १ गते अपरान्ह ४ :४४ मा प्रकाशित