समायोजन खबर खोटाङ, खोटाङको हलेसी तुवाचुङ नगरपालिकाले पिसिआर परिक्षणका लागि ४३ जनाको स्वाव संकलन गरेको छ । सोमबार महादेवस्थान कात्तिकेका २० वर्षीय युवामा कोरोना भाइरसको संक्रमण देखिएपछि उनीसँग संसर्गमा रहेका तथा अन्यको स्वाव संकलन गरेको हो।
नगरपालिकाका स्वास्थ्य सह–संयोजक प्रकाश घिमिरेका अनुसार संक्रमति युवाका आठ जना परिवार, उनीसँगै होम क्वारेन्टाइनबाट निस्केर खानेपानी र आहाल निर्माणमा संलग्न अन्य, दुई जना जनप्रतिनिधि, स्वास्थ्यकर्मी, सुरक्षाकर्मी लगायत ४३ जनाको स्वाव संकलन गरी विपी कोईराला स्वास्थ्य विज्ञान प्रतिष्ठान धरानमा परिक्षणमा पठाइएको छ । सवैको पिसिआर रिपोर्ट तीन पछि आउने घिमिरेले बताए ।
यसैविच, सोमबार कोरोना भाइरस संक्रमित युवालाई एम्बुलेन्समार्फत विराटनगरमा रहेको कोभिड १९ अस्पताल पठाइएको छ । उनलाई एम्बुलेन्समार्फत विराटनगर पठाइएको हो ।
यो पनि पढ्नुहोस,हलेसी तुवाचुङ नगरपालिका सिल,संक्रमितलाई बिराटनगर पठाउने तयारी

२०७७ जेठ ६ गते साँझ ५ : २९ मा प्रकाशित