समायोजन खबर खोटाङ, खोटाङको हलेसी तुवाचुङ नगरपालिकाका एक व्यक्तिमा कोरोना भाइरस (कोभिड–१९)  संक्रमण पुष्टि भएको छ। काठमाडौंबाट गाउँ आएका २० वर्षीय ति यूवामा कोरोना पोजेटिभ देखिएको हो ।
सोमबार (आज) धरान स्थित वीपी कोईराला स्वास्थ्य विज्ञान प्रतिष्ठानमा ४८ जनाको स्वाव परिक्षण गर्दा ति यूवामा कोरोना रिपोर्ट पोजेटिभ आएको जिल्ला अस्पताल खोटाङले जानकारी दिएको छ ।
कोरोना भाइरस (कोभिड–१९)को संक्रमण भए नभएको यकिन गर्नका लागि हलेसी तुवाचुङ नगरपालिकाले २ जना जनप्रतिनिधि, २ जना स्वास्थ्यकर्मी, ३ जना सुरक्षाकर्मी, १ जना वडासचिव, क्वारेन्टाइनमा बसिरहेका १ जना र काठ्मण्डौंबाट उद्धार गरेर घर ल्याइएपछि होम क्वारेन्टाइनमा बसिरहेका २४ जनाको पिसिआर परिक्षणका लागि शुक्रबार स्वाव विपी कोईराला स्वास्थ्य विज्ञान प्रतिष्ठान धरान पठाएको थियो ।