समायोजन खबर खोटाङ । खोटाङको दिक्तेल रुपाकोट मझुवागढी नगरपालिकाले गर्भवती महिला र शिशुहरूलाई फलफूल तथा सर्वोत्तम पिठो वितरण गरेको छ ।नगरपालिकाले बुधवार वडा नम्बर ११ खार्मीका ३५ जना गर्भवती महिलाहरुलाई फलफूल तथा छ महिनादेखि १ बर्षभित्रका ५० जना शिशुहरूलाई २ केजीका दरले सर्वोत्तम पिठो वितरण गरेको वडा सचिव चित्रकुमार सुवेदीले जानकारी दिए ।कोरोना भाइरसका कारण लकडाउनमा बस्न बाध्य गर्भवती र शिशुहरूको स्वास्थ्यलाई ध्यानमा राखेर फलफूल तथा सर्वोत्तम पिठो वितरण गरिएको नगरपालिकाले जनाएको छ ।

नगरप्रमुख दिपनारायण रिजाल, उपप्रमुख विणादेवी राई, वडाध्यक्ष रामचन्द्र राई, स्वास्थ्य शाखा संयोजक तीर्थराज आचार्यलगायतको टोलीले वडामा पुगेर वितरण गरेको वडा सचिव सुवेदीले जानकारी दिए ।२०७७ जेठ १ गते बिहान ९ : २१ मा प्रकाशित