समायोजन खबर खोटाङ, नेपालमा थप ५ जनामा कोरोना भाइरस संक्रमण पुष्टि भएको छ । राष्ट्रिय जनस्वास्थ्य प्रयोगशाला काठमाण्डौमा गरिएको परिक्षण अनुसार बिहीबार बिहान ७ : ४५ सम्ममा थप ५ जनामा कोभिड १९ को संक्रमण पुष्टि भएको हो ।
कोभिड १९ संक्रमण पुष्टि हुनेमा सर्लाही धान्कौल नगरपालिकाका ४५ वर्षीय पुरुष, धनुषाको जनकपुर नगरपालिका मिथिला नगरपालिका ४० वर्षीय पुरुष र २० वर्षीया महिला, महोत्तरीको जलेश्वर नगरपालिका र बलवा नगरपालिका १६, ३५ वर्षीय पुरुष रहेको स्वास्थ्य तथा जनसंख्या मन्त्रालयका सह प्रवक्ता डा. समिरकुमार अधिकारीले जानकारी दिए ।
संक्रमितहरु स्वास्थ्यकर्मीको सम्पर्कमा रहेका छन् । उनीहरुको स्वास्थ्य अवस्था सामान्य रहेको जनाइएको छ । यो सँगै नेपालमा कोरोना संक्रमितको संख्या २५० जना पुगेको छ ।२०७७ जेठ १ गते बिहान ८ :४८ मा प्रकाशित