समायोजन खबर खोटाङ, खोटाङमा भालुको आक्रमणबाट एक जना गम्भीर घाईते भएका छन् । साकेला गाउँपालिका वडा नम्बर–१ बाँझेच्यानडाँडास्थित सेखुवा घर भएका २६ वर्षीय जयकुमार राई गम्भीर घाईते भएका हुन् ।धुपीढुङ्गा जंगलमा आइतबार घाँस काट्न गएका राईलाई भालुले आक्रमण गरेको स्थानीयलाई उद्धृत गर्दै जिल्ला प्रहरी कार्यालय खोटाङका प्रहरी निरीक्षक आमोद कुमार खेरवारले जानकारी दिए । भालुको आक्रमणमा परेका राईको आँखा, घाँटी र टाउकोमा गम्भीर चोट लागेको खेरवारले जानकारी दिए ।

भालुको आक्रमणबाट गम्भीर घाइते राईलाई स्थानीय स्वास्थ्य चौकीमा सामान्य उपचार गराई जिल्ला अस्पताल दिक्तेल ल्याईएको थियो । राईको जिल्ला अस्पतालमा उपचार हुन नकसेपछि काठमाडौं रेफर गरिएको छ ।२०७७ बैशाख ३० गते अपरान्ह ४ :२२ मा प्रकाशित