समायोजन खबर उदयपुर, छिमेकी जिल्ला उदयपुरमा थप तीनजनामा कोरोना सङ्क्रमण पुष्टि भएको जिल्ला स्वास्थ्य कार्यालय उदयपुरले जनाएको छ । उदयपुरको भुल्केका थप तीन जनामा कोरानाको सङ्क्रमण भएको पाइएको जिल्ला जनस्वास्थ्य कार्यालय उदयपुरका प्रमुख मोहन सुवेदीले जानकारी दिनुभयो ।तीनै जना महिला रहेका र उनीहरुको उमेर भने खुल्न बाँकी रहेको प्रमुख सुवेदीले जानकारी दिनुभयो ।

जिल्ला स्वास्थ्य कार्यालयले ३ सय ३४ जनाको नमुना संकलन गरी परिक्षणका लागि पठाएकोमा तीन जनामा सङ्क्रमण पुष्टि भएको प्रमुख सुवेदीले बताउनुभयो ।  यसअघि नेपालमा कोरोना सङ्क्रमितको सङ्ख्या १ सय २ थियो भने उदयपुरका २८ जनामा कोरोना भेटिएको थियो ।श्रोत : उज्यालो,२०७७ बैशाख २७ गते बिहान ८ :३६ मा प्रकाशित