समायोजन खबर खोटाङ, खोटाङको हलेसी तुवाचुङ नगरपालिका–१ बाहुनीडाँडा खर्कबारीका १५ वर्षीय सविन राईको दुधकोसीमा डुबेर मृत्यु भएको छ । माछा मार्न तन्ने जाल थाप्नेक्रममा सोही जालमा बेरिएर नदीमा डुब्दा राईको आईतबार मृत्यु भएको हो ।

बिहान ११.५५ बजे सोक्माटार जोड्ने झोलुंगे पुलभन्दा मुनिबाट नदीले बगाएका राईलाई करिब ६० मिटर तल तालले बेरेको अवस्थामा दिउँसो १.३० बजे मृत फेला पारिएको बाहुनीडाँडाका वडाध्यक्ष रुद्र राईले बताए ।

बाहुनीडाँडाको झापामा मुल घर भए पनि हाल खर्कबारीमा बसिरहेका उनी जाल थाप्नेक्रममा जाल डुबेपछि निकाल्न लाग्दा जालमै बेरिएर निस्कन नसक्दा पानीमा डुबेको अनुमान गरिएको छ । सविन ओखलढुंगाको मानेभञ्ज्याङ गाउँपालिकाको महादेवस्थान माबिमा कक्षा ९ मा अध्ययनरत थिए ।२०७६ चैत ३० गते अपरान्ह ३ :५२ मा प्रकाशित