Samayojan khabar

Advertisment

SKIP THIS

खोटाङका एक युवाको कोरोना परिक्षणः रिपोर्ट नेगेटिभ

खोटाङका एक युवाको कोरोना परिक्षणः रिपोर्ट नेगेटिभ




समायोजन खबर खोटाङ, खोटाङमा एकजनाको कोरोना भाइरसको परिक्षण गर्दा रिपोर्ट नेगेटिभ आएको छ । कतारबाट नेपाल फर्किएका खोटाङका दुई मध्ये एकजनामा कोरोना भाइरस (कोभिड–१९)को संक्रमण नभएको पूष्टी भएको छ ।  फ्रान्सबाट कतार हुँदै गत चैत ४ गते नेपाल आएकी एक युवतीमा कोरोना संक्रमण भएको पूष्टी भएपछि तिनै युवतीसँग कतारबाट काठ्माण्डौंसम्मको यात्रा गरेका जन्तेढुंगा गाउँपालिका–३ काहुलेका राई थरका युवाको नमूना परिक्षणकाक्रममा कोरोना भाइरसको रिपोर्ट नेभेटिभ देखिएको हो ।

विपि कोईराला स्वास्थ्य विज्ञान प्रतिष्ठान धरानमा गरिएको स्वाव परिक्षणकाक्रममा उनको कोरोना परिक्षण रिपोर्ट नेगेटिभ आएको खोटाङका प्रमुख जिल्ला अधिकारी शालिग्राम शर्मा पौडेलले बताए । सँगै यात्रा गरेका युवतीमा कोरोना संक्रमण भएको पूष्टी भएपछि उनको नमूना संकलन गरेर परिक्षणका लागि चैत २१ गते राती धरान पु¥याइएको थियो ।

घर आएको १४ दिनभन्दा बढि वितिसकेको भए पनि संक्रमण भए/नभएको यकिन गर्नका लागि उनको स्वाव परिक्षणमा पठाइएको थियो । कतिपय व्यक्तीमा बाहिर लक्षण नदेखिए पनि भित्र कोरोना भाइरस पोजिटिभ देखिने खतरा हुने सम्भावना देखिएकाले उनको स्वाव परिक्षणमा पठाइएको प्रमुख जिल्ला अधिकारी पौडेलले बताए । ‘स्वाव परिक्षणमा नेगेटिम रिपोर्ट आएको जानकारी प्राप्त भएकोे छ,’ प्रजिअ पौडेलले भने, ‘अव संक्रमण भए÷नभएको दुविधा गरिरहन नपर्ने भएको छ ।’

विदेशबाट आएर घरैमा बसिरहेका उनलाई गाउँपालिकाको पहलमा चैत १२ गतेदेखि होम क्वारेन्टीनमा राखिएको थियो । सोही जहाजबाट फर्किएका केपीलासगढी गाउँपालिकाका एक जना भने धरानमा क्वारेन्टीनमा राखिएका छन् ।२०७६ चैत २४ गते दिउँसो १ :५५ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology