समायोजन खबर खोटाङ, केपिलासगढी गाउँपालिकामा थप एक जनालाई क्वारेन्टाइनमा राखिएको छ। कतारबाट गत चैत ४ गते घर फर्किएका केपिलासगढी गाउँपालिका–६ दिप्सुङका ४५ वर्षीय व्यक्तीलाई क्वारेन्टाइनमा ल्याएर राखिएको हो। उनलाई मंगलबार ल्याएर गाउँपालिकाको केन्द्र पृथ्बी उमाबि बाक्सिलास्थित क्वारेन्टाइनमा राखिएको गाउँपालिकाका अध्यक्ष कृष्णकुमार राईले बताए।

केपिलासगढी गाउँपालिकाले सोमबार मात्र केपिलासगढी गाउँपालिका–२ खार्ताम्छाका एक युवालाई गाउँपालिकाले बनाएको क्वारेन्टाइनमा राखेको थियो। अप्ठ्यारो मानिरहेका अवस्थामा उनीहरुलाई सम्झाई बुझाई गरेर १४ दिनसम्मका लागि खाने सुविधासहित क्वारेन्टाइनमा राखिएको हो। यससँगै जिल्लामा क्वारेन्टाइनमा बस्ने व्यक्तिको संख्या ७ पुगेको छ। २०७६ चैत २० गते बिहान ७  :०२ मा प्रकाशित