कोरोना संक्रमित युवतीसँगै फर्केका खोटाङका दुई जनाको पहिचान खुल्यो

कोरोना संक्रमित युवतीसँगै फर्केका खोटाङका दुई जनाको पहिचान खुल्यो




समायोजन खबर खोटाङ, कोरोना संक्रमित युवतीसँगै कतार एयरवेजमार्फत फर्किएका खोटाङका दुई जनाको पहिचान भएको छ । गत चैत्र ४ गते फ्रान्सबाट कतार हुँदै काठ्माण्डौं आएकी संक्रमित युवतीसँगै केपिलासगढी गाउँपालिका र जन्तेढुंगा गाउँपालिका–३ काहुलेको रहेको खुलेको छ ।

केपिलासगढी गाउँपालिकाका एक जना सुनसरीस्थित धरानमा क्वारेन्टाइनमा बसिसकेको र जन्तेढुंगा गाउँपालिका–३ काहुलेका एक जनालाई पनि क्वारेन्टाइनमा राख्ने तयारी भइरहेको प्रमुख जिल्ला अधिकारी शालिग्राम शर्मा पौडेलले बताए । हाल घरैमा बसिरहेका युवाको स्वास्थ्य अवस्था बुझ्न र क्वारेन्टाइन वा होम क्वारेन्टाइनमा बस्ने व्यवस्थाका लागि जन्तेढुंगा गाउँपालिका अध्यक्ष शंकर राई, मेडिकल अधिकृत सरोजकुमार शाह लगायतको टोली काहुलेतर्फ गएको छ ।

क्यूआर ६५२ कलसाईनको कतार एयरवेजमार्फत फर्किएकी युवतीलाई कोरोना संक्रमण भएको पुष्टी भएपछि उनीसँगै नेपाल आएर जिल्ला भित्रिएका युवाका कारण संक्रमणको त्रास छाएको थियो । युवतीसँगै नेपाल आउनेमध्येमा दुई जना खोटाङका थिए ।२०७६ चैत्र १२ गते राती ८ :३९ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology