समायोजन खबर खोटाङ,
अत्यावश्यक काममा बाहेक हिडडुल नगर्न नगरवासीलाई दिक्तेल रुपाकोट मझुवागढी नगरपालिकाले आग्रह गरेको छ । विश्वव्यापी महामारीको रुपमा फैलिरहेको कोरोना भाइरस (कोभिड–१९) रोकथाम र नियन्त्रणमा सजगता अपनाउन अत्यावश्यक अवस्था वाहेक घरैमा वस्न आग्र्रह गरेको हो ।

नगरपालिकाले सूचना जारी गर्दै अत्यावश्यक अवस्था वाहेक घर वाहिर ननिस्कि घरभित्रै रहनुहुन, भेला तथा जमघट नहुन, सरसफाई र खानपानमा विशेष ध्यान दिन भनेको छ । कसैमा कोरोना भाइरस संक्रमणका लक्षण देखिएमा तत्काल नजिकको स्वास्थ्य संस्थामा गई चेकजाँच गर्न अनुरोध गरेको छ । सामाजिक संञ्जालमा फैलिएका अफवाहहरुको पछि नलाग्न र त्रसित नहुन पनि नगरपालिकाले आग्रह गरेको छ ।
२०७६ चैत्र १० गते साँझ ५ :३७ मा प्रकाशित