समायोजन खबर खोटाङ,
खोटाङ प्राकृतिक प्रकोप सहयोग कोषले अग्नि पिडित परिवारलाई राहत रकम प्रदान गरेको छ । कोषले हलेसी तुवाचुङ नगरपालिका–९ सल्ले हात्तीटारका अग्नि पिडित चार परिवारलाई बिहीबार राहत रकम प्रदान गरेका हुन् ।

कोषले अग्नि पिडितहरु जोखे माझी, लोकेन्द्र माझी, सितादेबी माझी र झन बहादुर थापालाई जनही ७ हजारका दरले राहत रकम प्रदान गरेका हुन् । राहत रकम सल्लेका वडाध्यक्ष काशीराज राईले हस्तान्तरण गरेका थिए ।
४ चैत्रमा केटाकेटीले खेलाएको आगो एक्कासी घरमा सल्केर चार घरमा पुर्ण क्षति भएको समाचार बाहिर आएपछि खोटाङ प्राकृतिक प्रकोप सहयोग कोषका कोषाध्यक्ष युगसन किरात घट्नास्थल पुगेर राहत प्रदान गरेका हुन् ।

आगलागीमा झनबहादुरको अनुमानित ८ लाख, लोकेन्द्रको ५ लाख, जोखेको ५ लाख र सितादेबीको करिब ४ लाख बराबरको धनमाल नष्ट भएको थियो । आगलागीबाट विस्थापितलाई बुधबार हलेसी तुवाचुङ नगरपालिकाले जनही २० केजीका दरले चामल, दाल, नुन, तेल, भाँडाकुँडा, त्रिपाल, कम्बल लगायतका राहत सामग्री प्रदान गरेको थियो ।
२०७६ चैत्र ७ गते बिहान ९ : २०  मा प्रकाशित