दिप्रुङमा पहिलो पटक दलित वचत तथा ऋण सहकारी संस्था

दिप्रुङमा पहिलो पटक दलित वचत तथा ऋण सहकारी संस्था




चिसाङ शेर्पा खोटाङ,
खोटाङको दिप्रुङ चुइचुम्मा गाउँपालिकामा पहिलो पटक ‘दलित वचत तथा ऋण सहकारी संस्था’ स्थापना भएको छ । गाउँपालिकाको नीति तथा कार्यक्रम ‘एक वडा, एक दलित सकारी संस्था’ अन्तर्गत छोरम्बुमा सहकारी संस्थाको स्थापना गरिएको हो ।

गाउँपालिकामै दर्ता भएर स्थापना भएको सहकारी संस्थाको सोमबार दिप्रुङ चुइचुम्मा गाउँपालिका अध्यक्ष भुपेन्द्र राईले उद्घाटन गरेका छन् । गाउँपालिकाको आर्थिक वर्ष २०७६/०७७ को वार्षिक कायक्रम अन्तर्गत स्थापना भएको सहकारीमा गाउँपालिकाको ५० हजार बिउ पुँजी रहको आईटी अफिसर मणिचन्द्र र्राइले जानकारी दिए ।

स्थानीय पदम बहादुर परियारको अध्यक्षतमा ७ सदस्यीय सञ्चालक समिति रहेको सहकारीमा हालसम्म ४२ वटा शेयर संख्या रहेको छ । गाउँपालिकाको बिउ पुँजी, शेयर, बचत गरी जम्मा ७१ हजार १२० रुपैयाँ सहकारीसँग पुँजी रहेको छ । गाउँपालिकाको नीति तथा कार्यक्रम अनुसार यसैगरी वाँकी ६ वडाहरुमा पनि सहकारी संस्था स्थापना गरिने गाउँपालिकाले जनाएको छ ।

छोरम्बुमा सहकारी संस्था स्थापना भएर सञ्चालनमा आएपछि दलित समुदायमा बचत गर्ने बानी बढेर गएको छ । सहकारीले बचत गर्न सिकाउने, अनावश्यक खर्च गर्ने पैसा सहकारीमा जम्मा गर्नेजस्ता चेतना अभिबृद्धि गर्नमा सहकारीले मद्दत पु¥याउने गाउँपालिका अध्यक्ष राईले बताए ।
२०७६ चैत्र ३ गते दिउँसो ४ : ४५ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology