समायोजन खबर खोटाङ,
खोटाङकोे दिक्तेल रुपाकोट मझुवागढी नगरपालिका–४ खाल्लेमा अवस्थित मनमाया राई खानीडाँडा विमानस्थलमा शनिबारबाट हप्ताको दुई दिन उडान हुने भएको छ । गत मंगलबार सफल परिक्षण उडानपछि शनिबार खानीडाँडा–काठमाण्डौ पहिलो उडान हुने भएको हो ।

नेपाल एयरलाईन्सले मंगलबार र शनिबार खानीडाँडा–काठमाण्डौ उडान भर्ने मनमाया राई खानीडाँडा नागरिक उडड्यन कार्यालयले जनाएको छ । सदरमुकाम नजिक रहेको विमानस्थल करीव २१ महिनापछि सञ्चालनमा आउदा जिल्लावासी हर्षित छन् । पहिरोेले तानेपछि २०७५ साल जेठ १ गतेबाट विमानस्थलमा उडान तथा अवतरण बन्द रहेको थियो ।
२०७६ फागुन १८ गते बिहान ९ :२५ मा प्रकाशित