चिसाङ शेर्पा खोटाङ,
खोटाङको हलेसी तुवाचुङ नगरपालिकाले ज्येष्ठ नागरिक र अपांगता भएकाहरुलाई परिचय पत्र वितरण गरेको छ । नगरपालिकाले महादेवस्थान वडाका ज्येष्ठ नागरिक र अपांग गरी ५६ जनालाई परिचय पत्र वितरण गरेको हो ।

बुधबार महादेवस्थानको वडा कार्यालयमा वितरण कार्यक्रम राखेर ११ जना पुरुष ज्येष्ठ नागरिक तथा ९ जना महिला ज्येष्ठ नागरिकलाई परिचय पत्र वितरण गरिएको महादेस्थानका वडाध्यक्ष चईन्द्र राईले समायोजन खबर डटकमलाई जानकारी दिए ।

यस्तै, अपांगता अन्तर्गत ‘ख’ वर्गका १२ जना ‘ग’ वर्गका ६ जना र ‘घ’ वर्गका १८ जना गरी १५ जना महिला र २१ जना पुरुषलाई अपांगता परिचयत्र पत्र वितरण गरिएको छ ।
२०७६ फागुन १४ गते साँझ ६ :०३ मा प्रकाशित