समायोजन खबर खोटाङ,
खोटाङमा नेपाली सेनाले आयोजना गरेको मैत्रीपूर्ण भलिबल प्रतियोगीताको प्रथम उपाधि कर्मचारीको टिमले जितेको छ । सेना दिवसको अवशरमा गोरखनाथगण मुढे व्यारेक दिक्तेलले स्थापना गरेको ‘खोटाङ मैत्रीपूर्ण भलिवल ट्रफी’ अन्तरगत जिल्लामा कार्यरत राष्ट्रसेवक कर्मचारी र जिल्लाबासीको टिमबीचमा शुक्रबार भएको मैत्रीपूर्ण भलिबलमा कर्मचारीको टिम विजयी भएको हो ।

नेपाली सेनाको व्यारेककै खेलमैदानमा भएको प्रतियोगीताका विजेता र उपविजेता टिमलाई संविधानसभा सदस्य पाँचकर्ण राई, जिल्ला समन्वय समितिका प्रमुख बबी चाम्लिङ, दिक्तेल रुपाकोट मझुवागढी नगरपालिकाका नगरप्रमुख दिपनारायण रिजाल र उपप्रमुख बिणादेबी राईले ट्रफी तथा प्रमाणपत्र प्रदान गरेका छन् ।

सोही कार्यक्रमको अवशरमा प्रमुख जिल्ला अधिकारी शालिग्राम शर्मा पौडेल र गोरखनाथगणका गणपति भोला पाण्डेले सेनाका विभिन्न विद्याका उत्कृष्ट जवानलाई प्रमाणपत्र प्रदान गरेका थिए ।
२०७६ फागुन ९ गते अपरान्ह ४ :०९ मा प्रकाशित