समायोजन खबर खोटाङ,
आगलागी पिडितलाई गाँउपालिकाले आर्थिक सहयोग गरेकोे छ । दिप्रुङ चुइचुम्मा गाउँपालिका–५ सप्तेश्वर छितापोखरीका आगलागी पिडित दान बहादुर राईको परिवारलाई दिप्रुङ चुइचुम्मा गाउँपालिकाले आईतबार आर्थिक सहयोग गरेको हो ।

आगलागीमा सर्वस्व गुमाएका राई परिवारलाई गाउँपालिकाले २५ हजार आर्थिक सहयोग गरेको आईटी अफिसर मणिचन्द्र राईले जानकारी दिए । अग्नि पिडितलाई गाउँपालिका अध्यक्ष भूपेन्द्र राईले राहत रकम प्रदान गरेका थिए । चिसो मौसमका कारण पिडितलाई थप समस्या हुन नदिन घटनास्थलमै गएर गाउँपालिकाले तत्काल राहत उपलव्ध गराएको हो ।

अग्नि पिडित राईको ढुङगा, माटो र फुसको छानो भएकोे घर जल्दा अन्नपात, भाडावर्तन, लत्ताकपडा जलेर करिव पाँच लाख बराबरको क्षति भएको छ । आईतबार विहान लागेको आगलागीको कारण खुलेको छैन ।
२०७६ पौष २० गते दिउँसो ४ :५३ मा प्रकाशित