चिसाङ शेर्पा खोटाङ,
खोटाङमा बलात्कारका घट्ना बढी भएको पाइएको छ । २०७५ पौष १५ देखी हालसम्म ११ वटा बलात्कारका घट्ना र ७ वटा बलात्कार प्रयास भएको अनौपचारिक क्षेत्र सेवा केन्द्र (ईन्सेक) खोटाङले जनाएको छ ।

मंगलबार ईन्सेकले ‘नेपाल मानव अधिकार वर्ष पुस्तक २०२०’ पूर्व को वार्षिक समिक्षा कार्यक्रममा ५ जना महिला र ६ जना वालिका बलात्कारको शिकार भएको अनौपचारिक क्षेत्र सेवा केन्द्र ईन्सेकका खोटाङ प्रतिनिधि रामधन राईले बताए । बलात्कार प्रयासमा ६ महिला र १ जना वालिका छन् ।

यस्तै, ४ वटा हत्या, ४ वटा कुटपिट/घाईते, १ वटा हत्या प्रयास, १ वटा बहुविवाह, नागरिक तथा राजनीतिक अधिकार हनन् १ वटा, ४ वटा भौतिक संरचनाहरुमा क्षति भएको ईन्सेकले जनाएको छ । हत्या हुनेमा १ जना पुरुष, २ जना महिला र १ जना वालिका छन् । विप्लव नेतृत्वको कार्यकर्ता गिरफ्तार १ जना, ३ वटा स्काभेटर र १ वटा सरकारी गाडीमा क्षति पुगेको इन्सेकको तथ्यांकमा छ ।
२०७६ पुस १५ गते साँझ ५ :१२ मा प्रकाशित