चिसाङ शेर्पा खोटाङ,
खोटाङको एक विधालयलाई निःशुल्क जग्गा प्राप्त भएको छ । दिक्तेल रुपाकोट मझुवागढी नगरपालिका–७ दोर्पा चिउरीडाँडामा अवस्थित बालबालिका प्राथमिक विद्धालयलाई दुई रोपनी ७ आना जग्गा प्राप्त भएको हो ।

सोही विद्धालयका व्यवस्थापन समितिका अध्यक्ष भोगजीत राईले पाँच लाख बराबर मूल्यको जग्गा निःशुल्क दान गरेका हुन् । उनले बुधबार जिल्ला मालपोत कार्यालय दिक्तेल आएर विधालयको नाममा जग्गा पास गरिदिएका छन् । पास भएको जग्गाको लालपुर्जा जग्गाधनी राईले प्रधानाध्यापक कोमल ढकाललाई हस्तान्तरण गरेका छन् ।
२०७६ पुस २ गते दिउँसो २ :०१ बजे प्रकाशित