चिसाङ शेर्पा खोटाङ,
खोटाङको दिप्रुङ चुइचुम्मा गाउँपालिकाले पालिकाभरीको माध्यमिक विद्धालयहरुमा विधुतीय हाजिरी (इ–हाजिरी) जडान गरी कार्यान्वयनमा ल्याएकोे छ । शिक्षकहरुको नियमित्तालाई विधुतीय हाजिरीमा देखाउन र सोही अनुसार तलब निकासा गर्नका लागि विधुतीय हाजिरी जडान गरेको हो ।

आर्थिक वर्ष २०७६/०७७ को गाउँसभाले विनियोजन गरेको १० लाख बजेटबाट १४ माविमा विधुतीय हाजिरी र सोलार नभएको १० विद्धालयमा सोलार, ब्याट्री र इन्भर्टरको व्यवस्था गरिएको आइटी अफिसर मणिचन्द्र राईले जानकारी दिए । उनका अनुसार याङसोला मावि याङसोला, शान्ती मावि छोरम्बु, शान्ती निकेतण मिनाकर्ण मावि, पञ्चकौशीका मावि, राम्चे निकेतन मावि, सरस्वती मावि डाँडाखर्क, कृष्ण मावि टेम्मा, शान्ती मावि टेम्मा, महेन्द्रोदय मावि याम्खामा विधुतीय हाजिरी, सोलार, ब्याट्री र इन्भर्टर व्यवस्था गरिएको छ । एक थान सोलार,ब्याट्री र इन्भर्टर बाँकी रहेको र निर्णय गरेर कुनै एक विधालयलाई हस्तान्तरण गरिनेछ ।

सबै माविमा विधुतीय हाजिरी जडान गरेर सञ्चालनमा आएपछि हाजिरीको आधारमा तलब भुक्तानी हुने गाउँपालिका अध्यक्ष भूपेन्द्र राईले बताए । इ–हाजिरीले शिक्षकहरु विधालय गए/नगएको देखाउछ । अब कसैले ढाट्न पाउदैन । अध्यक्ष राईले भने, अन्य ३४ आधारभुत विद्धालयमा आउने आर्थिक वर्षमा विधुतीय हाजिरी जडान गर्छौ ।
२०७६ पुस १ गते साँझ ९ :२० बजे प्रकाशित