समायोजन खबर खोटाङ,
खोटाङको खोटेहाङ गाउँपालिका–७ खोटाङबजारका मनिकलाल प्रधानको घरमा विद्युत सर्ट भई आगलागी भएको छ । प्रधानको मोबाईल र स्टेशनरी पसल सञ्चालन हुँदै आएको घरमा सोमबार राती साँढे १ बजे आगलागी हुँदा लाखौंको क्षती भएको खोटेहाङ गाउँपालिका अध्यक्ष प्रदीप राईले बताउनुभयो ।

आगलागीमा प्रधानको घरमा सञ्चालित ईन्द्रेणीपोखरीका रमेश राईको मोबाईल पसल र खोटाङबजारकै घनश्याम फुयालको स्टेशनरी पसल पूर्णरुपमा जलेको छ । मोबाईल पसलबाट सुरु भएको आगलागीमा घर मालिक प्रधानको करिब ३० लाख, मोबाईल पसल सञ्चालक राईको १८ लाख र स्टेशनरी सञ्चालक फुयाँलको १५ लाख बराबरको क्षती भएको अनुमान गरिएको जिल्ला प्रहरी कार्यालय खोटाङका प्रहरी निरिक्षक आमोदकुमार खेरवारले बताउनुभयो । प्रधान परिवार भने काठ्माण्डौंमा बस्दैआएका छन् । आगो प्रहरी र स्थानीयबासीले नियन्त्रणमा लिएका थिए ।
२०७६ पुस १ गते बिहान ८ :३६ बजे प्रकाशित