समायोजन खबर खोटाङ,
खार्मीमा दुई दिने किवि व्यवसायिक प्रशिक्षण तालिम सकिएको छ । दिक्तेल रुपाकोट मझुवागढी नगरपालिका–११ खार्मीका कृषि पेशामा आवद्ध स्थानीयहरुलाई मंगलबारदेखी दिइएको तालिम बुधबार सकिएको हो ।

लेकाली कृषि फर्मको आयोजना तथा वडा कार्यालय खार्मीको प्रयोजन र शुभ कृषि फर्मको सह–प्रयोजनमा भएको तालिममा ७१ जना कृषकहरुले सहभागिता जनाएका थिए । उनीहरुलाई शुभ कृषि फर्मका प्रमुख शुभचन्द्र राई र जेटिएका विधार्थीहरुले व्यवसायिक किवि खेती सम्बन्धि प्रशिक्षण दिएका थिए ।

सुरेश मगरको अध्यक्षतामा भएको समापन कार्यक्रममा वडाध्यक्ष रामचन्द्र राई र टिटिएस पाथेका–खार्मीका प्रमुख श्याम कुमार राईको उपस्थिती थियो । दुई दिने प्रशिक्षण तालिमले किवि खेती गर्नमा सहयोग गर्ने वडाध्यक्ष राईले बताए ।
२०७६ कार्तिक ६ गते साँझ ७ :५४ मा प्रकाशित