चिसाङ शेर्पा खोटाङ,
मादक पदार्थ सेवन गरी भाईले दाईको घरमा आगो लगाउदा एकवटा घर जलेर नष्ट भएको छ । दिप्रङ चुईचुम्मा गाउँपालिका–४ बतासे रातमाटाका सन्तोष सार्कीको घरमा आफ्नै भाईले आगो लगाउदा घर जलेर नष्ट भएको हो ।

सोमबार राती मादक पदार्थ सेवन गरेर सार्कीका भाईले आगो लगाउदा ढुंगा माटो र फुसको छानो भएको खाली घर जल्दा दुई लाखको क्षति भएको जिल्ला प्रहरी कार्यालय खोटाङका प्रहरी निरिक्षक आमोदकुमार खेरवालले जानकारी दिए । आगो लगाउने किशोरलाई अस्थाई प्रहरी चौकी भण्डारेघाटबाट खटेको टोलीले नियन्त्रणमा लिएर जिल्ला प्रहरी कार्यालय ल्याउदै छ ।
२०७६ असोज २८ गते अपरान्ह ३ :४६ मा प्रकाशित