समायोजन खबर खोटाङ,
समाजवादी पार्टी खोटाङले सबै स्थानीय तहमा पार्टी समायोजन टुंग्याएको छ । पार्टी एकीकरण लगत्तै भदौअघि जिल्लाका १० स्थानीयतहमध्ये ९ स्थानीय तहमा पार्टी समायोजन टुंग्याएको समाजवादीले बाँकी रहेको खोटेहाङ गाउँपालिकामा पनि समायोजन टुंग्याएको हो । खोटेहाङ गाउँपालिकामा रामबावु राईको अध्यक्षतामा समाजवादीको २५ सदस्यीय गाउँपालिका कमिटि गठन गरिएको छ । समितिको उपाध्यक्षमा सुशिला राई र तिर्थकुमार राई, सचिवमा जीतकुमार राई, सह–सचिवमा सतबहादुर खत्री र कोषाध्यक्षमा मञ्जु राई चयन भएका छन् ।

समाजवादीका जिल्ला अनुगमन तथा वार्ता सम्वाद समितिका संयोजक केशवराज कार्की र पार्टीका जिल्ला अध्यक्ष टंकबहादुर थापाको उपस्थितिमा खोटेहाङ गाउँपालिकामा पालिका कमिटि गठन गरिएको समाजवादीले जनाएको छ । नयाँ शक्ती र संघीय समाजवादीको एकीकरणपछि खोटाङमा समाजवादीले भदौ १४ गते जिल्ला समायोजनको काम टुंग्याएको थियो ।
२०७६ असोज २७ गते साँझ ६ :१३ मा प्रकाशित