चिसाङ शेर्पा खोटाङ,
खोटाङको ऐंसेलुखर्क गाउँपालिकाले अग्नि पिडित एक परिवारलाई राहत प्रदान गरेको छ । गाउँपालिकाको ज्यामिरेका रमेश कुमार तिम्सिनाको परिवारलाई गाउँपालिकाले नगद तथा भाडावर्तन प्रदान गरेका हुन् ।

साउन ३२ गते राती करीव दुई बजे एक्कासी आगलागिबाट घर जलेर बिजोग बनेका अग्नि पिडित परिवारलाई शुक्रबार गाउँपालिकामा बोलाएर २० हजार नगद र मानिसलाई नभइ नहुने भाडावर्तन, कम्बल लगायत १३ थरीका विभिन्न सामग्रीहरु प्रदान गरिएको गाउँपालिकाले जानकारी दिएको छ । राहत रकम तथा सामग्री गाउँपालिका अध्यक्ष विश्वनाथ निरौलाले रमेशका श्रीमती कृष्णमाया तिम्सिनालाई प्रदान गरेका हुन् ।

आगलागिबाट गाँस, बाँस कपास नै टुटेका परिवारलाई राहतले ठूलो सहयोग पुगेको पिडित परिवारले जनाएको छ । आगलागिबाट मानवीय क्षति नभए पनि पशु चौपायामा क्षति पुगेको थियो ।
२०७६ भदौ ६ गते दिउँसो ३ :०१ मा प्रकाशित