Samayojan khabar

Advertisment

SKIP THIS

पहिरोमा श्रीमती र दुवै छोरा गुमाएकालाई आर्थिक सहयोग

पहिरोमा श्रीमती र दुवै छोरा गुमाएकालाई आर्थिक सहयोग




चिसाङ शेर्पा खोटाङ,
पहिरोका कारण श्रीमती सहित दुई छोरा गुमाएका खोटाङ वाप्लुखाका विष्णु कुमार राईलाई आर्थिक सहयोग गरिएको छ । २७ असारमा अविरल वर्षासँगै आएको पहिरोले सर्वस्व गुमाएका खोटेहाङ गाउँपालिका–२ वाप्लुखा गोपिनी बाघपच्याङ्का राईलाई महेन्द्रनगर सुनसरी सेवा समाज कतारले ४० हजार आर्थिक सहयोग गरेका हुन् ।


संस्थाका सल्लाहाकार तथा पिडित परिवारका छिमेकी युवराज तामाङको पहलमा कतारमा संकलन भएको रकम पिडितले पाउने गरी पठाइएको र बिहीबार गाउँपालिकाको कार्यालय खोटाङबजारमा एक कार्यक्रम गरी पिडितलाई प्रदान गरिएको महेन्द्रनगर सुनसरी सेवा समाज कतारका प्रथम उपाध्यक्ष प्रदिप कुमार राईले जानकारी दिए । रकम गाउँपालिका उपाध्यक्ष कविता राईले हस्तान्तरण गरेकी हुन् ।

 

पहिरोबाट विस्थापित भएका राई हाल आमाको घरमा वसोवास गर्दै आएका छन् । बाहिरी चोट नदेखिए पनि राईको एकवटा खुट्टामा असर पुगेको छ । पहिरोमा परेका श्रीमती र छोरालाई बचाउने प्रयासमा खुट्टामा असर पुगेको बताइएको छ । पानी पर्दा घरैमा बसिरहेका बेला करिब तीन/चार सय मिटर माथिबाट झरको पहिरोले घर पुर्दा राईका श्रीमती २५ वर्षीय रेखा राई, ४ वर्षीय छोरा रोमन राई र ७ महिने शिशु रोजन राईको ज्यान गएको थियो । पहिरोले घरसहित पुरेर ज्यान गुमाएका आमाछोराको किरिया खर्च स्वरुप गाउँपालिकाले १० हजार सहयोग गरेको थियो । परिवारबाट एक्लिएका राईको पुर्नवासको व्यवस्थापनमा सहयोग गरिने गाउँपालिका उपाध्यक्ष राईले बताईन् ।
२०७६ साउन २४ गते बिहान १० :४१ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology