समायोजन खबर खोटाङ,
खोटाङमा भरुवा बन्दुक सहित एकजना पक्राउ परेका छन् । जिल्लाको हलेसी तुवाचुङ नगरपालिका–११ राजापानीका ५१ वर्षिय जयन प्रसाद राई भरुवा बन्दुकसहित घरैबाट पक्राउ परेका हुन् ।

जिल्ला प्रहरी कार्यालयबाट खटिएको टोलीले राईको घरबाट बुधबार लोड गरेको एक थान भरुवा बन्दुक फेला पारेको र उनलाई नियन्त्रणमा लिएको जिल्ला प्रहरी कार्यालय खोटाङका प्रहरी नायव उपरिक्षक वामदेव गौतमले जनाए । नियन्त्रणमा लिईएका राईलाई हातहतियार तथा खरखजना मुद्दा अन्तर्गत म्याद थप गरि अनुसन्धान सुरु गरिएको छ ।
२०७६ साउन २३ गते साँझ ७ :१४ मा प्रकाशित