Samayojan khabar

Advertisment

SKIP THIS

आगोमा जलेका शिशुलाई ५८ हजार आर्थिक सहयोग

आगोमा जलेका शिशुलाई ५८ हजार आर्थिक सहयोग




चिसाङ शेर्पा खोटाङ,
केपिलासगढी गाउँपालिकाका युवाहरुले अगेनामा परेर दुवै हात र निधार जलेर गम्भीर घाईते भएका शिशुलाई आर्थिक सहयोग गरेका छन् । केपिलासगढीका स्थानीय युवा तथा कार्यक्षेत्र बनाएका युवाहरुबाट सोही गाउँपालिकाको बाक्सिला लंखाका पाँच महिने शिशु प्रबिन राईलाई उपचारका लागि ५८ हजार १ सय रुपैयाँ सहयोग गरेका हुन् ।

१२ जना युवाहरुबाट संकलन भएको आर्थिक सहयोग रकम शनिबार प्रबिनका आमा निर्मला राईलाई केपिलासगढी गाउँपालिका अध्यक्ष कृष्णकुमार राईले हस्तान्तरण गरेका छन् । कान्ती बाल अस्पताल काठमाण्डौमा उपचार भइरहेको बालकको स्वास्थ्य स्थिती बुझ्न पुगेका गाउँपालिका अध्यक्ष लगायतका युवाहरुले अस्पतालमै सहयोग रकम प्रदान गरेका थिए । शिशुको हाल निःशुल्क उपचार भइरहेको छ । निःशुल्क उपचार भइरहेकाले संकलित सहयोग रकमकोे अक्षय कोष स्थापना गर्ने तयारी भइरहेको गाउँपालिका अध्यक्ष राईले बताए । शिशुले दुवै हातको औलाको भाग भने गुमाएका छन् ।

      उपचारार्थ शिशु प्रबिनको अवस्था बुझ्दै गाउँपालिका अध्यक्ष कृष्णकुमार राई लगायत ।

१० साउनमा घरैमा दाजुको साथमा छोडेर आमाबुबा खेतबारीमा काम गर्न प्रबिन अगेनामा परेर गम्भिर घाईते भएका थिए । आगोले शिशुको दायाँ हातको ग्याङटीन र बायाँ हातको कन्ट्रयाक्चरमा गम्भीर असर पुगेपछि थप उपचारका लागि काठमाण्डौ पठाइएको थियो । काठमाण्डौ पठाइएपछि किरात राई यायोक्खा खोटाङका उपाध्यक्ष सञ्जयकुमार राई, सह–सचिव सिता थुलुङ राई लगायतले सहयोग संकलन अभियान सञ्चालन गरिरहेका छन् । घाईते बच्चाको निःशुल्क उपचारको व्यवस्था भएकाले संकलन भएको रकमले अक्षयकोष स्थापना गर्ने र सो को व्याजबाट आउने रकमले उनको शिक्षादिक्षाको प्रवन्ध मिलाइने यायोक्खाका उपाध्यक्ष राईले बताए ।
२०७६ साउन १९ गते बिहान ९ :०४ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology