चिसाङ शेर्पा खोटाङ,
लगातारको वर्षाले दिक्तेलबजारको १७ घरमा क्षति गरेको छ । बिहीबार रातीबाट परेको वर्षाले दिक्तेलबजार आसपासका घरहरुमा क्षति गरेको हो । दिक्तेल रुपाकोट मझुवागढी नगरपालिका–१ दिक्तेलले दिएको जानकारी अनुसार तत्काल समाधान हुन नसके अझ बढी धनजनको क्षति हुनेगरी दिक्तेलका गोविन्द खड्का, प्रेम वजिमय, डम्बर वजिमय, सोमराज वस्नेत, हिरा खत्रीको घरमा क्षति पुगेको जनाएको छ ।

यस्तै, दिक्तेलकी निर्मला बस्नेत, दिलकुमारी बस्नेत, मान बहादुर कार्की, रमेश बस्नेत, गुन्जमान वजिमय, गिरी परियार, कृष्ण परियार, प्रेम सैंजु, निरकुमारी सैंजु, चन्द्र बहादुर बुढाथोकी, किर्ती बहादुर कट्वाल र रितेश गजमेरको घरमा क्षति पुगेको छ । क्षति भएका घरहरुको शनिबार बिहान प्रमुख जिल्ला अधिकारी, अनुसन्धान, रेडक्रस, प्रहरी, उधोग वाणिज्य संघ, वडा समितिको संयुक्त टोलीले स्थलगत अनुगमन गरेको थियो ।

२०७६ असार २८ गते दिउँसो ३ः ५९ मा प्रकाशित