समायोजन खबर काठमाण्डौ,
मौसम पूर्वानुमान महाशाखाले पश्चिमी वायु सक्रिय भएकाले आज र भोलि मेघ गर्जन सहित पानी पर्ने सम्भावना रहेको जनाएको छ । प्रि–मनसुनको सिजन भएकाले मेघ गर्जन सहित वर्षात् र चट्याङ पर्ने सम्भावना रहेको मौसमविद् सुवास रिमालले सीआईएनसँग बताउनुभयो ।

आज देशका पूर्वी भू–भागमा सामान्य वदली रहने तथा मध्य र पश्चिमी भू भागका स्थानहरूमा आंशिक देखि सामान्य वदली रही पश्चिमी पहाडी भु–भागका थोरै स्थानहरु र मध्य तथा पुर्वी भु–भागका केही स्थानहरुमा मेघ गर्जन सहित वर्षाको सम्भावना रहेको छ । भोलि देशका पूर्वी तथा मध्य भू–भागमा सामान्य वदली रहने र पश्चिमी भू–भागका स्थानहरूमा आंशिक देखि सामान्य वदली रही पश्चिमी पहाडी भु–भागका थोरै स्थानहरु र मध्य तथा पुर्वी भु–भागका केही स्थानहरुमा मेघ गर्जन सहित वर्षाको सम्भावना महाशाखाले जनाएको छ ।
२०७६ जेठ २४ गते बिहान ८ :५१ मा प्रकाशित