समायोजन खबर खोटाङ,
जिल्लाको हलेसी तुवाचुङ नगरपालिका–१ बाहुनीडाँडास्थित दुधकोसी किनारमा बेवारिसे शव फेला परेको छ । बाहुनीडाँडाको लुलीमा पुछारमा पर्ने सान्नेदोभानमा पुरुषको बेवारिसे शव फेला परेको हो । नदीको पानीमा ढुंगामा अड्किएको अवस्थामा शव फेला परेको बाहुनीडाँडाका वडाध्यक्ष रुद्र राईले बताए ।
अन्दाजी ३०/३५ वर्षको पुरुषको पहिचान हुन सकेको छैन । मृतकको शव पोष्टमार्टमका लागि जिल्ला अस्पताल दिक्तेल पु¥याइएको प्रहरीले जनाएको छ । ट्याक्टर लिएर बालुवा लिन गएका मजदुरले नदीमा शव फेला पारेर प्रहरीलाई खबर गरेका थिए । शव डोरीले तानेर पाखामा निकालिएको स्थानीयले बताएका छन् ।
२०७६ बैशाख ८ गते दिउँसो २ बजे प्रकाशित