समायोजन खबर नेपालगञ्ज
आठौं राष्ट्रिय खेलकुद प्रतियोगीता अन्तरगत चर्चित ह्यान्डबल खेलाडी तथा मिस प्रदेश २०१८ को विजयी रमिला बस्नेतको टिमले आज एपिएफसँग खेल्ने भएको छ । १४ जिल्लाका सहभागीलाई पछि पार्दै मिस प्रदेश, प्रदेश नम्बर एकको ताज पहिरिन सफल बस्नेत आठौं राष्ट्रिय खेलमा सहभागी भएकी हुन । उदयपुरको चौदण्डीगढी नगरपालिका–२ स्थायी बासिन्दा बस्नेतले ह्यान्डबल खेलमा यसअघि पनि थुप्रै पटक अन्तर्राष्ट्रिय खेलमा सहभागी भई राष्ट्रलाई पदक समेत दिलाएकी खेलाडी हुन् ।
विहीबारबाट नेपालगञ्जमा भएको आठौं राष्ट्रिय खेलकुदमा समेत राम्रो प्रस्तुति दिने बस्नेतको भनाइ रहेको छ । उदयपुरको चौदण्डीगढी नगरपालिकाको सभाहलमा एक कार्यक्रमविच खेलाडी बस्नेत सहितको टोलीलाई चौदण्डीगढी नगरपालिकाका नगर प्रमुख खगेन्द्र राईले खेलाडीलाई बधाई गर्दै शुभकामना दिएका थिए । बस्नेत १४ वर्षकै उमेरमा पाकिस्तान बंगलादेश भारत लगायतका दर्जनौं अन्तर्राष्ट्रिय खेलमा सहभागी भइसकेकी खेलाडी हुन । बस्नेत पत्रकारिता साथै सामाजिक काममा अग्रसर रहदै आएकी छिन् । त्रियुगा जनता बहुमुखी क्याम्पस मोतिगडा विएस प्रथम वर्षमा अध्यनरत बस्नेत नेपालकै कान्छी खेलाडीका रुपमा समेत स्थापित छिन् ।
२०७६ बैशाख ६ गते मध्यान्ह १२ :३९मा प्रकाशित