कबि अटल क्रान्तिकारीले भने, ‘मलाइ कुख्यात भ्रष्टाचारी हुने रहर छ’

कबि अटल क्रान्तिकारीले भने, ‘मलाइ कुख्यात भ्रष्टाचारी हुने रहर छ’




अटल क्रान्तिकारी,

(कबिता)

रहर

तेन्जिङले सगरमाथा चढेको दिन
मेरा पुर्खालाइ हिमाल चढ्ने रहर लागेको
थियो ,
भक्ती थापाले नालापानी जोगाएको दिन
मेरो बाजेलाइ राष्ट्रभक्तिको गित
गाउने रहर जागेको थियो
अन्यायका बिरूद्द कमरेडले
आवाज उठाएको दिन
मेरा किसान बा लाइ
मुक्तिका निम्ती मर्ने
रहर जागेको थियो ।

मान्छेलाइ रहर
समय अनुसार न जाग्दो रहेछ
मलाइ पनि यो देशमा
आज अनेकौ रहरहरू जागेका छन
मलाइ ,
एक कुख्यात भ्रष्टाचारी हुने रहर छ
लाउडा
वाइड्बडी,सुडान घोटला
यी भन्दा भयानक
भ्रष्टाचार गर्न मन छ
लुकाएर छिपाएर पचाउने हैन
खुलमखुल्ला
मलाइ बालुवाटार चपाउने रहर छ
सिंहदरबार निल्ने रहर छ
सगरमाथा बेचेर ब्याङ्क ब्यालेन्स
गर्ने रहर छ


मलाइ
टुडिखेलको धनिपुर्जा बनाएर
प्लटिङ गर्ने रहर छ
मलाइ घण्टाघरको घडी नाडिमा
बाधेर
त्रिभुवन अन्तर्रास्ट्रिय बिमानस्थल
भित्र एक्लै मर्निङ वाक
गर्ने रहर छ ।

 

जस्ले छाड्दै हिडेका छ्न
सपनाका दृश्य हरू
प्रतिबद्द्ताका पानाहरू
तिनिहरूले जमाएको
स्रोतबिहिन दौलत
भन्दा पनि अलि बढी
मलाइ आर्जन गर्ने रहर छ ।

जे होस यो देशमा
मलाइ कुख्यात भ्रष्ट्रचारी
बन्ने रहर छ

त्यो बेला
लाग्छ लाग्दैन होला मेरो हातमा हत्कडी
बन्छ बन्दैन होला
कुख्यात भ्रष्टाचारीलाइ राख्ने कस्टडी
मलाइ त्यो हेर्ने रहर छ ।

दृश्य यथास्थित देखियो भने,
त्यसपछी फेरी म भित्र अर्को रहर जाग्नेछ ।
हामफाल्ने आफै अग्निकुण्ड भित्र
र जल्दै फैलिने देशैभरी ।
२०७५ चैत्र ३० गते बिहान ८ : ४६ मा प्रकाशित

हाम्रो बारेमा


हाम्रो टिम


समायोजन खबर मिडिया ग्रुप प्रालिद्धारा सञ्चालित समायोजन खबर डटकमका लागि
अध्यक्ष चिसाङ शेर्पा
सम्पादक फुर्वा शर्पा
प्रेस काउन्सिल नेपाल दर्ता नं. ३०९÷०७५÷०७६
सूचना तथा प्रसारण विभाग दर्ता नं. ९८२÷०७५÷०७६

सम्पर्क


स्थायी लेखा नम्बर– ६०६६८६२५७
ठेगाना : दिक्तेल खोटाङ
सम्पर्क नं. ९८५२८४९४९५
इमेल : [email protected]



© 2019 Samayojan Khabar All Right Reserved | Site by : SobizTrend Technology