समायोजन खबर बारा,
निजगढ गोल्डकप फुटबल प्रतियोगिता चैत्र २३ गतेदेखि हुने भएको छ । आयोजक निजगढ युवा क्लवले आगामी चैत्र २३ देखि ३० गतेसम्म प्रतियोगिता हुने जानकारी दिएको हो । प्रतियोगितामा बारा, पर्सा, मकवानपुर, चितवन, सर्लाही र महोत्तरीका ८ टिमले प्रतिस्पर्धा गर्नेछन् ।

आयोजक निजगढ युवा क्लव, साविक बिजेता बारा ११, नव जनजागृति युवा क्लव बारा, बिरगञ्ज युनाईटेड फुटबल क्लव बिरगञ्ज, कमाने फुटबल एकेडेमी मकवानपुर, हर्दिया युवा समाज चितवन, सर्लाही ११ र महोत्तरी ११ ले प्रतियोगितामा भाग लिने जनाइएको छ । प्रतियोगिताको बिजेताले १ लाख ५० हजार नगदसहित ट्रफी प्राप्त गर्नेछ भने उपविजेताले १ लाख रुपैयाँ सहित ट्रफी प्राप्त गर्ने समितिका सह संयोजक जयराम कुमरले जानकारी दिनुभयो । प्रतियोगिताभर प्रत्येक खेलको म्यान अफ द म्याच र उत्कृष्ट प्रदर्शन गर्ने खेलाडीहरुलाई विधागत रुपमा पुरस्कार प्रदान गरिनेछ । खेल निजगढ वडा नम्बर ४ स्थित पुरानो निजगढको कछाडीया खेल मैदानमा हुनेछ ।
२०७५ चैत्र १७ गते बिहान ९ :३६ मा प्रकाशित