समायोजन खबर काठमाण्डौ,
नेपाली राष्ट्रिय महिला फुटबल टोलीले आजबाट ओलम्पिक छनोट दोस्रो चरणका लागि प्रशिक्षण सुरु गर्ने भएको छ । अप्रिल १ देखी सुरु हुने दोस्रो चरणका लागि टोलीले तयारी सुरु गर्न लागेको हो । प्रशिक्षक हरी खड्काले साफ च्याम्यिनसिप खेलेको टोलीलाई प्रशिक्षणमा बोलाइएको बताउनुभयो ।

महिला टोली यसै साता विराटनगरमा सम्पन्न पाँचौं महिला साफ च्याम्पियनसिप फुटबलमा उपविजेतामा बनेको थियो । दोस्रो चरणको खेल अप्रिल १ देखी ९ सम्म म्यानमारमा सुरु हुँदैछ । नेपाल दोस्रो चरणमा भारत रहेको समुह ए मा रहेको छ । भारत र नेपालसँगै समुह ए मा म्यानमार र इन्डोनेशिया छन् । समुह बी मा हङकङ, उज्वेकिस्तान, भियतनाम र जोर्डन छन् ।
२०७५ चैत्र १३ गते बिहान ८ : ४९ मा प्रकाशित