समायोजन खबर काठमाण्डौ,
काठमाडौं महानगरपालिकाले आजदेखि पाँच वटा बु्रमर (सडकको धुलो बढार्न प्रयोग हुने साधन) प्रयोगमा ल्याएको छ । राष्ट्रिय सभागृहमा आयोजित कार्यक्रममा महानगरपालिकाका मेयर विद्यासुन्दर शाक्यले रिबन काटेर बु्रमर सञ्चालनको उद्घाटन गर्नुभयो ।

डिजेलबाट चल्ने यी बु्रमर युरो ४ एमिसन स्टान्डर्डको डुभेलो ६ ००० मोडलका हुन् । इन्जिन क्षमता १०७ किलोवाट रहेको छ । हरेक बु्रमरमा चार वटा ब्रस रहेका छन् । महानगरपालिकाका अनुसार बु्रमरमा ५ सय लिटर पानी र ४.६८ घनमिटर धुलो भण्डारण गर्न सक्ने क्षमता छ ।
२०७५ चैत्र १२ गते साँझ ७ :५३ मा प्रकाशित