समायोजन खबर तेह्रथुम,
तेह्रथुमको फोदाप गाउँपालिका ३ जलजलेको मार्से सामुदायिक वनमा लागेको आगो बस्तीमा पस्दा एक घर जलेर नष्ट भएको छ । जङ्गलमा लागेको आगो हिजो दिउँसो बस्तीमा पस्दा डोलेश्वर ढुङ्गानाको घर जलेर नष्ट भएको स्थानीय ईन्द्र नेपालीले बताउनुभयो ।

आगलागीबाट मानवीय र चौपाया क्षति नभएको पीडित ढुङ्गानाले जानकारी दिनुभयो । आगलागी क्षेत्रमा पानीको अभाव भएकाले पनि आगो नियन्त्रण गर्न समस्या भएको थियो । पछिल्लो समय जिल्लाका बिभिन्न सामुदायिक वनमा आगलागी भए पनि पानी र दमकल अभावमा निभाउन नसकिएको स्थानीयवासीको भनाइ छ ।

२०७५ चैत्र ५ गते बिहान ८ :५९ मा प्रकाशित