समायोजन खबर विराटनगर,
साविकको विजेता भारत समूह विजेता बन्दै महिला साफ च्याम्पियनसिपको सेमिफाइनलमा प्रवेश गरेको छ । आज भएको समूह चरणको अन्तिम खेलमा श्रीलंकालाई ५–० गोल अन्तरले पराजित गर्दै भारत समूह विजेता बनेको हो ।

विराटनगरस्थित सहिद रंगशालामा श्रीलंकाविरुद्धको फराकिलो जितसँगै भारत समूह ‘बी’ मा ६ अंक जोडेर समूह विजेता बनेको हो । पराजित श्रीलंका ३ अंक जोडेर समूह उपविजेता बन्दै सेमिफाइनलमा पुगेको छ । अब भारतले सेमिफाइनलमा बंगलादेशसँग खेल्नेछ । बंगलादेश समूह ‘ए’ को उपविजेता हो । यस्तै श्रीलंकाले समूह ‘ए’ को विजेता नेपालसँग खेल्नेछ ।
२०७५ चैत्र ३ गते साँझ ६ :२३ मा प्रकाशित