समायोजन खबर काठमाण्डौ,
नेपाल र कतारबिच दुवै देशमा भएको नीतिगत परिवर्तनलाई आत्मसात गरेर पुनःश्रम समझदारी गर्ने सहमति भएको छ । दुईदेशबिच हरेक वर्ष बस्ने बैठक अन्तरगत यसपटक कतारको दोहामा बसेको प्राविधिक टोलीबिच यस्तो सहमति भएको श्रम, रोजगार तथा सामाजिक सुरक्षा मन्त्रालयले जनाएको हो ।

यसअघिको श्रम समझदारी पुर्नलेखन गरेर अघि बढ्ने बिषयमा छलफल भएको नेपाली प्राविधिक टोलीको नेतृत्व गर्दै पुग्नुभएका मन्त्रालयका सहसचिव, रोजगार व्यवस्थापन महाशाखाका प्रमुख रामप्रसाद घिमिरेले सीआइएनसँग बताउनुभयो । प्राविधिक टोलीको बैठक हरेक वर्ष बस्दै आएपनि यसपटक भने ३ वर्षपछि बसेको हो ।
२०७५ चैत्र ३ गते बिहान ९ :०३ मा प्रकाशित