समायोजन खबर ताप्लेजुङ
फुङलिङ नगरपालिकाले आयोजना गरेको प्रथम मेयरकप वडास्तरिय भलिवल प्रतियोगिताको उपाधि वडा नम्बर ५ ले जितेको छ । आज सम्पन्न फाइनलमा वडा नम्बर ११ फावाखोला पराजित भएको छ । उपाधिसहित वडा नम्बर ५ ले नगद ७५ हजार रुपैंया र दुई तोला सुन र तीन सय तोला चाँदी जडित रनिङकप समेत प्राप्त गरेको छ ।

उपविजेता बनेको वडा नम्बर ११ ले नगद ५० हजार प्राप्त ग¥यो । फुङ्लिङबजारस्थित नयाँ रणभिम गुल्मको मैदानमा फाइनल खेल भएको थियो । पहिलो सेट १५–२५ ले गुमाएको वडा नम्बर ५ ले दोश्रो २५–२२, तेश्रो २५–११ र चौंथो २५–१७ ले जितेको थियो ।
२०७५ पुस १५ गते साँझ ५ : ५५ मा प्रकाशित