चिसाङ शेर्पा खोटाङ,
खोटाङमा राती ९ बजेपछि ट्याक्टर चलाउन नपाइने भएको छ । सवारी दुर्घट्नामा न्युनिकरण गर्नका लागि अब रातको समयमा ट्याक्टर चलाउन नपाईने भएको हो । सोमबार जिल्ला प्रशासन कार्यालय, प्रहरी र ट्याक्टर व्यवसायीविच बसेको छलफलले विहान ५ बजेदेखी वेलुका ९ बजेसम्म मात्रै ट्याक्टर चलाउन पाउने निर्णय गरेको छ । यस्तै, ट्याक्टरमा चर्को संगीत (डिजे) वजाउन र इयरफोनको प्रयोग गर्ने नपाईने खोटाङका प्रमुख जिल्ला अधिकारी सुरेन्द्रराज पौडेलले जानकारी दिए । मंगलबार पत्रकारहरुलाई दिएको जानकारी अनुसार ट्याक्टर सिंगारको नाममा बाटो समेत छेकिने गरी अगाडी तथा झुण्ड्याइएको कपडा, पाल, तस्विर तथा अन्य सिंगार सामग्रीहरु ट्याक्टर धनी तथा चालकलाई तुरुन्त हटाउन लगाइएको छ ।

उल्लेखित समयमा वाहेक अन्य समयमा ट्याक्टर सञ्चालन गरी दुर्घट्ना भएमा त्यसको सम्पुर्ण जिम्मेवारी ट्याक्टर धनीले बेर्होनुपर्ने जनाइएको छ । ट्याक्टर चालकहरुसँग सवारी चालक अनुमति नलिई सवारी चलाउने चालकलाई कारवाही गरिने तथा ट्याक्ट धनीले चालकको अनुमती पत्र चेकजाँच गरेर सवारी चालकलाई दिनुपर्ने निर्णय भएको छ । ट्याक्टर चालक तथा सहचालकको अनिवार्य विमा सवारी धनीबाट गराउनुपर्ने समेत छलफलले निर्णय गरेको छ । गत आईतबार मात्रै दिक्तेल रुपाकोट मझुवागढी नगरपालिका–६ नेर्पाको कालीखोलामा ट्याक्टर दुर्घट्नामा तीनजनाको मृत्यु भएको थियो ।
२०७५ पुस १० गते साँझ ७ : ४३ मा प्रकाशित