समायोजन खबर काठमाण्डौ,
काठमाडौंमा जारी तेस्रो संकरणको टिभिएस एभरेष्ट प्रिमियर लिग (ईपीएल) टी–ट्वान्टी क्रिकेट प्रतियोगिताको आज फाईनल खेल हुँदैछ । त्रिभुवन विश्वविद्यालय स्थित क्रिकेट मैदानमा हुने फाइनल खेलमा भैरहवा ग्लाडीयटर्स र ललितपुर प्याट्रियट्सबीच प्रतिस्पर्धा हुनेछ । दुई टोलीबीचको खेल दिउँसो साढे १२ बजेबाट सुरु हुनेछ ।

साबिकको उपविजेता समेत रहेको भैरहवा नेपाली राष्ट्रिय टोलीका सदस्य शरद भेषावकरको कप्तानीमा मैदानमा उत्रनेछ भने ललितपुर नेपाली टोलीका उपकप्तान ज्ञानेन्द्र मल्लको कप्तानीमा मैदानमा उत्रने छ । दुवै टोलीले क्वालिफायरमा काठमाडौं किङस इलाभेनलाई पराजित गरेर उपाधिका लागि स्थान सुरक्षित गरेको हो । दुवै टोलीको लक्ष्य पहिलो पटक उपाधि जित्ने हुनेछ ।
२०७५ पुस ७ गते बिहान ९ : ४८मा प्रकाशित