समायोजन खबर काठमाण्डौ,
नेकपाको जारी स्थायी कमिटी बैठकमा उठेका प्रश्नको भोली अध्यक्षद्वय केपी शर्मा ओली र पुष्पकमल दाहाल प्रचण्डले जवाफ दिनुहुने भएको छ । स्थायी कमिटी बैठकमा अव नेता माधवकुमार नेपाल र झलनाथ खनालले मात्र बोल्न बाँकी छ । आज बस्ने स्थायी कमिटि बैठकमा दुवै नेताले बोल्नु हुनेछ । दूई अध्यक्षले भोली जवाफ दिनेगरी तयारी भएको नेकपाका स्थायी कमिटि सदस्य छविलाल विश्वकर्माले सीआईएनलाई जानकारी दिनुभयो ।

हालसम्म नेकपाका ४५ स्थायी कमिटीका सदस्यमध्ये ४१ जनाले आफ्नो विचार राखिसकेका छन् । आजको स्थायी कमिटी बैठक तीन घण्टा बसेर स्थगित भएको थियो । बैठकमा सात जना सदस्यले आफ्नो विचार राखेका छन् । एकताको ७ महिना वित्दासमेत स्थानीयस्तरको पार्टी एकतालाई टुङ्ग्याउन नसकेको भन्दै बैठकमा नेतृत्वको आलोचना भएको छ । साथै कतिपय स्थायी कमिटि सदस्यले सरकारको आलोचना गरेका छन् ।
२०७५ पुस ७ गते बिहान ९ : २७ मा प्रकाशित