समायोजन खबर ताप्लेजुङ,
ताप्लेजुङमा आफ्नै श्रीमतीलाई बलात्कार गरेको आरोपमा एक युवक पक्राउ परेका छन् । सिरिजङ्गा गाउँपालिका–२ आम्बेगुदिनस्थित २० वर्षीया युवती (श्रीमती)ले २४ वर्षीय श्रीमानबिरुद्द बलात्कारको मुद्दा दायर गरेकी थिइन् । उनले गत असोज ८ गते बलात्कार गरेको श्रीमतीको आरोप छ ।

बलात्कार आरोपपछि लुकिछिपी बसेको अवस्थामा जिल्लाकै आठराई त्रिवेणी गाउँपालिका–४ चाँगेबाट ती पुरुषलाई पक्राउ गरिएको हो । उनलाई बिहीबार जिल्ला अदालतबाट म्याद थप गरी अनुसन्धान अगाडी बढाइएको जिल्ला प्रहरी कार्यालय ताप्लेजुङले जनाएको छ । दोषी ठहर नभएसम्म आरोपितको नाम प्रहरीले गोप्य नै राखेको छ ।
२०७५ पुस ६ गते दिउँसो २ :११ मा प्रकाशित