समायोजन खबर काठमाण्डौं,
काठमाडौंमा जारी एभरेष्ट प्रिमियर लिग (ईपीएल) टी ट्वान्टी क्रिकेटको फाइनल प्रवेशका लागि आज दोस्रो क्वालिफायर खेल हुँदैछ । टियु क्रिकेट मैदानमा हुने आजको दोस्रो क्वालिफायरमा काठमाडौं किङस इलाभेन र भैरहवा ग्लाडीयटर्सले प्रतिस्पर्धा गर्नेछन् ।

बिहान साढे ११ बजेबाट सुरु हुने खेलमा रोहन मुस्तफाको कप्तानीमा रहेको काठमाडौं र शरद भेषावकरको कप्तानीमा रहेको भैरहवाको लक्ष्य फाइनल पुग्नु नै हुनेछ । आजको टोली विजेताले शनिबार हुने फाइनलमा ललितपुरसँगको प्रतिस्पर्धा निश्चित गर्नेछ । भैरहवा काठमाडौंलाई हराएर फाइनलमा पुग्न चाहन्छ । यस्तै काठमाडौंविरुद्ध भैरहवा लिग चरणमा व्यहोरेको हारको बदला लिने लक्ष्यमा हुनेछ ।