समायोजन खबर खोटाङ,
कञ्चनपुरकी बालिका निर्मला पन्तको हत्या भएको ४ महिना बित्दा समेत बलात्कारी र हत्यारा पहिचान गरी कारबाही हुन नसकेको भन्दै नयाँ शक्ती पार्टीको भातृ संगठन नयाँ शक्ती बिद्यार्थी यूनियनले खोटाङमा हस्ताक्षर अभियान थालेको छ ।

नयाँ शक्ती बिद्यार्थी यूनियन दिक्तेल बहुमुखी क्याम्पस कमिटिले दोषी पत्ता लगाएर कारबाहीका लागि दवाव स्वरुप मंगलबारदेखि हस्ताक्षर अभियान थालेको हो । निर्मलाको न्यायको लागि क्याम्पसबाट सुरु गरिएको अभियान जिल्लाका अन्य शैक्षिक संस्था एबं ठाउँमा पु¥याइने नयाँ शक्ती बिद्यार्थी यूनियनका जिल्ला अध्यक्ष सञ्जित राईले बताए ।

प्रदेशभर आगामी मंसिर अन्तिमसम्म संकलन गरिने हस्ताक्षर मूख्यामन्त्रीमार्फत प्रधानमन्त्रीलाई पठाउनेगरी निर्मलाको पक्षमा हस्ताक्षर संकलन अभियान थालिएको नयाँ शक्ती बिद्यार्थी यूनियनले जनाएको छ । हस्ताक्षर अभियान सरकारको बिरोध नभै निर्मलाको न्यायका लागि सञ्चालन गरिएको अध्यक्ष राईले बताए ।
२०७५ मंसिर १८ गते साँझ ७ : ३८ मा प्रकाशित