समायोजन खबर खोटाङ,
नेकपाको १ नम्बर प्रदेश कमिटिमा खोटाङका १० नेता मनोनित भएका छन् । नेकपा केन्द्रीय कमिटिले सात वटै प्रदेशको कमिटिलाई टुंग्याउनेक्रममा जिल्लाबाट साबिकको एमालेबाट ६ जना र साबिकको माओबादी केन्द्रबाट ४ नेता मनोनित भएका छन् । मंसिर १२ गतेको नेकपा केन्द्रीय सचिवालयको बैठकको निर्णय अनुशार प्रदेश कमिटिमा साबिकको एमालेबाट पिके राई, बबी चामलीङ, उषाकला राई, हरिकुमार पोखरेल, भीम राई र सुमन बान्तवा मनोनित भएका छन् ।

अधिकतम २०७ सदस्य रहने प्रावधान अनुशार साबिकको माओबादी केन्द्रबाट ध्रुब बुढाथोकी, देवान चामलीङ, सुरेश राई र अरुणा राई प्रदेश कमिटिमा समेटिएको नेकपाले जनाएको छ । ध्रुब साबिक माओबादीका पोलिटव्यूरो र देवान केन्द्रीय आयोजक कमिटि सदस्य हुन् । सुरेश र अरुणादेबी पनि केन्द्रीय आयोजक कमिटि सदस्यको भूमीकामा थिए । प्रदेश कमिटिमा साबिकको एमालेबाट १२२ जना र माओबादीबाट ८५ जना समेटिएका छन् ।
२०७५ मंसिर १७ गते राती ८ : १० मा प्रकाशित